Guddiga Qaran ee Ka-hortagga Lacag-Dhaqidda (NAMLC) waxaa uu abuurey Guddi Farsamo oo u qaabilsan Ka-hortagga Lacag-Dhaqidda iyo Ka-hortagga Maaliyadsiinta/Maalgashiga Argagaxisada (AML/CFT). Hadafka guddiga farsamada waa in uu si-taabogal ah uga shaqeeyo hawlaha iyo mas’uuliyadaha uu sharcigu u qoondeeyey guddiga NAMLC ee lagu taxay Qodobka 25aad ee Xeerka MAL/CFT ee 2016.

Xubnaha Guddiga Farsamada

1. 1. Agaasimaha Xarunta Warbixinnada Maaliyadeed (guddoomiyaha Guddiga Farsamada)
   2. Ku-xigeenka Guddoomiyaha Bankiga Dhexe / Agaasimaha Bixinta Rukhsadaha & Kormeerka
   3. Ku-xigeenka Agaasimaha Guud ee Hay’adda Sirdoonka iyo Nabadsugidda Qaranka
   4. Ku-xigeenka Xeer-ilaaliyaha Guud
   5. Agaasimaha Guud ee Wasaaradda Amniga Gudaha
   6. Agaasimaha Guud ee Wasaaradda Maaliyadda / Agaasimaha Kastamada
   7. Agaasimaha Guud ee Wasaaradda Ganacsiga iyo Warshadaha
   8. Agaasimaha Guud ee Wasaaradda Caddaaladda.

 Ujeeddooyinka Guddiga Farsamada   

1. 1. Kor-u-qaadista maamulka AML/CFT ee Soomaaliya;
   2. Xaqiijinta ujeeddooyinka istiraatiijiga ah ee uu dejiyey guddiga NAMLC, isaga oo u maraya iskaashi, isuduwid iyo macluumaadka oo la is-dhaafsado;
   3. Aqoonsashada waxyaabaha ka dhimman hay’adaha xubnaha ka ah si ay ula dagallamaan lacag-dhaqidda iyo maalgashiga argagaxisada; iyo
   4. Aqoonsashada hababka halista ee AML/CFT, lafagurista iyo khafiifinta halisaha iyo hanjabaadaha.

 Waajibaadyada Guddiga Farsamada

1. 1. Soo-jeedinta iyo dib-u-eegista qaabka guud ee sharci, siyaasad iyo hay’adeed ee la-dagaallanka lacag-dhaqidda iyo maaliyadsiinta/maalgashiga argagaxisada;
   2. Soo-jeedinta, dib-u-eegista iyo ansaxinta qaabab ku habboon oo ay xubnaha Guddiga Farsmada ay isaga kaashanayaan la-dagaallanka iyo ka-hortagga lacag-dhaqidda iyo maaliyadsiinta/maalgashiga argagaxisada ee heerarka federaalka iyo dowlad-goboleedba;
   3. In ka munaaqashoodaan ayna ka soo saaraan amarro la xiriira doorka Hawl-wadeennada/Jilayaasha Aan Dowliga Ahayn (Non-State Actors), sida ururrada diinniga ah, bulshada rayidka ha, saxaafadda, iyo ganacsiga gaarka loo leeyahay ay ku leeyihiin la-dagaallanka lacag-dhaqidda iyo maaliyadsiinta/maalgashiga argagaxisada;
   4. In ay ka fekeraan ayna soo jeediyaan qabanqaabooyin tababar iyo karti-dhisid hay’adeed oo ku habboon hay’adaha ugu muhiimsan iyo hay’adaha kale ee dowladda hadba sida loogu baahdo;
   5. In ay hababka ugu wanaagsan ee caalamiga ah ama goboleed ay u adeegsato la-dagaallanka lacag-dhaqidda iyo maalgashiga/maaliyadsiinta argagaxida;
   6. Tixgelint soo-jeedimaha taageero farsamo oo la siiyo hay’adaha ku hawlan ka-hortagga iyo la-dagaallanka lacag-dhaqidda iyo maalgashiga/maaliyadsiint aragaxisada; iyo
   7. Soo diyaarinta warbixinno ku saabsan dib-u-habeynta sharci, siyaasad iyo hay’adeed ee lagamamaarmaanka u ah in si taabogal ah loola dagaallamo lacag-dhaqidda iyo maalgashiga/maaliyadsiinta argagaxisada.