Guddiga Qaran ee La-dagaallanka Lacag-dhaqidda waxaa lagu dhisey Qodobka 24aad ee Xeerka La-dagaallanka Lacag-Dhaqidda iyo Maalgashiga/Maaliyadsiinta Argagaxisada (AML/CFT) ee 2016.

Xubnaha Guddiga 
Xubnaha Guddiga NAMLC waxaa ay ka kooban yihiin:

• Wasiirka Maaliyadda (Guddoomiyaha Guddiga)
• Wasiirka Caddaaladda
• Wasiirka Amniga Gudaha
• Wasiirka Ganacsiga iyo Warshadaha
• Agaasimaha Guud ee Hay’adda Sirdoonka iyo Amniga Qaranka
• Guddoomiyaha Bankiga Dhexe ee Soomaaliya
• Xeer-Ilaaliyaha Guud
• Agaasimaha Xarunta Warbixinnada Maalyadeed (FRC) (oo ah Xoghaynta Guddiga)

Hawsha Guddiga 
Hawsha guddiga NAMLC waxaa ay salka ku haysaa Xeerka Ka-hortagga lacag-dhaqidda iyo La-dagaallanka Maalgashiga/Maaliyadsiinta Argagaxisada ee soo baxay 2016 waxaana hadafka laga leeyahay uu yahay in ay kormeerto maamulka AML/CFT ee Soomaaliya. Gaar ahaan, hawlaheeda waxaa ka mid ah kuwan soo socda:

• In ay dejiso Istitraatiijiyadda Qaranka ee AML/CFT.
• In arrimaha istratiijiga ah ee mudnaanta leh u dejiso Xarunta Waxbixinnada Maaliyadeed (FRC).
• In ay ansaxiso miisaaniyadda Xarunta Warbixinnada Maaliyadeed.
• In ay bixiso maaliyado lagu dhisto kartida hay’adaha xubnaha ka ah guddiga NAMLC ay u leeyihiin in ay la dagaallamaan Lacag-Dhaqidda iyo Maalgashiga/Maaliyadsiinta Argagaxisada.
• In ay abuurto fursad ay macluumaadka ku wadaagaan hay’adaha xubnaha ka ah guddiga NAMLC,
• In ay kormeerto ayna sii wanaajiso taabogalnimada isuduwidda hay’adaha/hawlaha gudaha dalka ka socda, iyo
• In ay magacowdo Agaasimaha Xarunta Warbixinnada Maaliyadeed.